دعوة لحملة تدوينية مغاربية

 From Xtravaganza Blog
الحرب العالمية الثانية قتلت 50 مليون بشر

أوروبا بعد 50 سنة توحّدت ونسات الحرب والأحقاد القديمة بين الدول الأعداء

و نحنا في المغرب العربي عندنا 50 مليون سنة ونحنا وخيّان وأحباب

عندنا 50 ألف سنة من التاريخ والحضارة والثقافة المشتركة

عندنا 50 مليار سبب باش نكونو متوحدين

واليوم، وبعد حوالي 50 سنة من الإستقلال لبلداننا الشقيقة والصديقة

ما عندناش شبكة قطارات مشتركة

ما عندناش طريق سيارة مشتركة

ما عندناش سياسة طاقة مشتركة

ما عندناش حتى مسابقة متاع عدو ريفي مشتركة

علاه؟ بالله فهمونا علاه؟

في الوقت اللي البلدان في العالم قاعدة تتخلّى على المفاهيم البالية متاع السيادة الوطنية المتعصبة وتخدم مع بعضها في إطار جهوي وإقليمي وقاري، نحنا في بلدان المغرب العربي مازلنا نحبو نفـتـفـتو الفتات ونشتـتو الشتات ونتعاركو على الصحراء الغربية، زعمة تابعة للمغرب وإلاّ للجزائر، زعمة نعملولها حكم ذاتي وإلاّ إستفتاء على الإستقلال؟

بالله موش عيب؟ تي هي صحراء يا رسول الله، أعطيوها حتى للجمال تسرح فيها، توة هاذي حكاية؟ تاقف الدنيا على طرف صحراء؟

موش لازم الإنسان يكون إختصاصي في علوم الإقتصاد باش يفهم قدّاش الإتحاد المغاربي هو فائدة كبيرة من الناحية الإقتصادية وينجم يعاون بصفة كبيرة في التقليص من الميزيريا السائدة والبطالة في بلداننا. حسب دراسة قام بها البنك الدولي في تونس والجزائر والمغرب، عدم التوحّد في إطار المغرب العربي قاعد يحرم في الدول المذكورة من ما بين 1 و2 بالمئة من النمو سنويّا، يعني في عوض نسبة 5 بالمئة اللي نعملو فيها في تونس تولّي 6 إذا كان موش سبعة بالمئة، وهالخسارة هاذي ، باش نسهلوها للناس الكل، تساوي حوالي عشرة آلاف موطن شغل قار سنويّا. ظاهرلي ماناش مستغنين عليهم…

المغرب العربي الموحد إقتصاديا على الأقل هو أكثر من ضرورة في الوقت الحاضر، وكيما أوروبا المتحدة بدات بعد الحرب العالمية الثانية بوحدة مابين فرنسا وألمانيا في ميدان ضيق هو الإتفاق على تكوين سلطة عليا لتنظيم قطاعات الحديد والفحم، المغرب العربي لازمو يبدا من مشاريع عملية من النوع هذا، النقل، الطاقة، الفلاحة، الكورة، الحشيش.. يا خويا شوفو منين تبداو، أما أبداو يرحم والديكم

هذا ما يجعلني نفكّر في حاجة يمكن تكون باهية برشة لو كان تلقى إقبال منكم إنتوما المدونين والقراء، علاش ما نقوموش بحملة في المدونات التونسية ندعو فيها إخواننا في المغرب العربي باش ينظمولنا في حملة تدوينية للمطالبة بخطوات جدية وعملية لتحقيق الإتحاد الفعلي ما بين دول المغرب العربي وتجاوز الخلافات السخيفة والعقد النفسية اللي واقفة في طريق المغرب العربي، على الأقل خلّي الناس اللي عندها سلطة القرار تعرف أن المسألة هاذي عليها إجماع شعبي في مختلف دول المنطقة، ولعلها الخطوة الأولى تكون من عند المدونين المغاربة مادامت السياسة فشلت لحد الآن في تجاوز مرحلة الخطابات والكلام الجميل

هذا مجرد إقتراح نتمنى أنو يلقى تجاوب من عند المدونين والمدونات التوانسة، يمكن التفكير في تحديد يوم من أجل المغرب العربي، كيما عملنا يوم التدوينة البيضاء وكان ناجح نسبيا. يمكن زادة وضع شعار للحملة نحطوه في مدوناتنا، حاسيلو الأمور هاذي نتفاهمو فيها كان تحبو من بعد.

أنا في إنتظار تجاوبكم مع المقترح، خاصة المدونين والمدونات اللي عندهم علاقات مع مدونين معروفين في الجزائر، المغرب، موريطانيا، وحتى ليبيا باش ينشرولنا الدعوة للوخيان في البلدان المغاربية.

هاذي مجرد فكرة جاتني وأنا نكتب في البوست هذا، ما نعرفش عاد آشنوة باش يكون رأيكم، وبارك الله فيكم على كل حال

42 Responses to “دعوة لحملة تدوينية مغاربية”

  1. je propose une pétition rédigée en plusieurs langues que nous posterons tous magrébins ou compatisant sur nos blog.
    A votre avis?

  2. انا معاكوم
    ليوم باليل غادي نكتبر واحد لبوست عندي.
    واحد لحاجة لي ما عاجبانيش, هي السمية.
    أحسن نقولوا 1الحملة المغاربية1 باش تكون الدعوة عامة ماشي عربية فقط.

    شكرا

    آدم

  3. شكرا على الإقتراحات

    فعلا يمكن تغيير التسمية إلى المغرب الكبير لتجاوز أي إختلاف شكلي

    الرجاء متابعة النقاش حول الحملة هنا:

    http://trapboy.blogspot.com/2007/05/le-1er-juin-je-blogue-pour-le-maghreb.html

    سواء للإعلام بانضمامكم للحملة أو مساندتها أو تقديم إقتراحات جديدة

  4. أنا متفق معك . ومعك كل الحق فيما ذكرت.
    على المغاربة أو على العرب كافة ان يتحدوا من أجل خلق قوة اقتصادية عظمى ترفع من مستواهم.

  5. hata ana maakon .bravo big trap boy, fikra ahlowa. desde españa con amor

  6. Oui je pensais à la même chose par rapport “Arabe” .
    Mais ce sont les intensions qui comptent, Arabe ou pas l’Union est urgentissime.

  7. متفق مع الإخوة على تحديد مصطلح تسمية المنطقة يعني إما تسميتها بالمغرب الكبير أو المغرب الإسلامي

    على أي لا يجب أن ننشغل كثيرا بمثل هذه الجزئيات

    فلنفكر بوسائل عملية تساهم وتدعم الوحدة المغاربية

    فلتطلقوا العنان لأفكاركم وإبداعاتكم ولنكن عمليين

  8. السلام و عليكم

    الحملة المغاربية ايلا ماجاتش ب سياسة تجي بلبلوغينغ.. انا مغربي معاكم!

    ..

  9. إقتراح قد يجمع المغاربة ولو على صفحات التدوين

    المغرب العربي موحد بالعلاقة الوثيقة التي تربط بين شعوبه ما يعيق وحدته السياسية و االإقتصادية هي الحكومات
    و هذا ما يجب على كل المدونين التأكيد و العمل على مطالبة السلطات بالتخلي على الخلافات التافه كالخلاف بين الجزائر و المغرب حول الصحراء الغربية
    للوحده المغاربية مستقبل تغفل عنه الحكومات ؟؟؟
    يسرني و يشرفني كمغاربية المساهمة معكم

    تقبلوا تحياتي

  10. “بصراحة، مع كل إحترامي للمهاجرين لمحترمين، أنا ماعادش إنّجم نلوم على ساركوزي، الله غالب يا نيكولا ياخويا، ما عرفناش نربّيوهم، فروخ أولاد حرام، يهبطو علينا في الصيف كيف الجراد، البلاد يخمّجوها ويزيدوها إجرام على إجرام وحوادث طرقات وخمج على خمج، بجاه والديك يا ساركو، كان ناوي تتخلّص منهم لا تبعثهملنا لهنا، أهوكا وصّلهم لحدود إيطاليا وسيّبهم خلّي يتبوربو على المافيا والكامورا، وإلاّ طيّش العزى في البحر، آشكون لوّج عليهم؟ نحنا رانا واحلين في كحّة وماناش ناقصين. ياخويا إخدم على روحك وربي يعينك، بلادك وإنتي حر فيها،أما إبكي على همنا نحنا وبرّة، كيف بول الجمل، ديما لتالي”

    Libellés : actualité, France, monde, politique
    # posted by Big Trap Boy @ 9:43 PM 48 comments links to this post

  11. @ JaziyaHlalia:

    مع كل إحترامي للمهاجرين المحترمين

    Apparament tu n’en fait pas partie, sinon tu ne te sentirais pas concerné!!

  12. شكر جزيل للإخوان المغاربة لمساندتهم للمبادرة

    نحن في حاجة إلى التعريف بها ولإنضمام أكبر عدد ممكن من المدونين

    كل المساهمات سوف تساعد في إثراء النقاش

  13. tout le monde sera au rendez vous le 1 er juin, on attend la banniere et le titre commun!
    l’info est passé coté marocain et algerien!

  14. فكرة وجود يوم موحد لمدونين االمغرب الكبير فكرة رائعة
    انا من ليبيا وهذا عنوان مدونتي
    http://essak.maktoobblog.com/

    تحياتي

    عيسى عبدالقيوم

  15. J’y serai inchallah!

  16. pourquoi ne pas penser au systeme federale. je croi que c’est la meilleur solution pour les pays maghrebinne.

  17. بما أن فكرتكم تقوم على اساس الاقصاء دائما فمالها الفشل المحتم
    و عاشت الصحراء الغربية حرة مستقلة
    تقبلوا تحياتي

  18. بل عاش المغرب الكبير للجميع

    على كل حال نحن نحترم كل الآراء ولا نقصي الغير ولا نفرض شيئا على أحد

  19. نحن حيوانيون .نفكر من غرائزنا..نحيا من اجل االلاشىء…نخاف حتى الرعب ..نحتاج الى مصحات عقلية-نفسية الى ان نصبح اسوياء.وبعدها نشرع في تاسيس مشروع وحدة المغرب العربي

  20. من يصنع الوحدة هم ام نحن؟
    نحن اشقياء هم اغبياء
    نحن اميون هم ابويون
    نحن جمهور يتفرج هم
    الخطباء

  21. اعتبروني معكم

  22. SADFGSAD SDFSD SAD FSD

  23. بالتوفيق اخوى ومنتديات احباب تتمنى لكم التوفيق

    ,اسلامى,برامج,العاب,صور,فوتوشوب,افلام كرتون وانمى,برامج صيانه,تعريفات الاجهزه,مكتبة كتب ,برامج حمايه,تطوير مواقع ومنتديات,جرافكس
    http://www.ahba2b.com/vb/

  24. بما أن فكرتكم تقوم على اساس الاقصاء دائما فمالها الفشل المحتم

  25. here are we blowing!

  26. His brother site

    Thank you for all your efforts

    Thank you for all articles and wish you success

    Regards

    thanks

  27. thank you

    verey gooood

  28. thanks

    شكرا لكم اخوانى الاعزاء

  29. مشاء الله يا شباب

    روعة للغاية

    حوار جميل ومدهش

  30. شكرا لكم

  31. أنا أريد أن أنضم اليكم كمدون
    من فضلك ساعدني
    ماذا أفعل؟؟؟؟

  32. نعم فكرة جميلة من اجل تدوين المغرب العربى

  33. نعم فكرة جميلة

  34. فكرة حلوة ليش لا

  35. thank you

  36. thanks very goodالاخبار, اخبار فلسطين,اخبار العراق ,اخبار الجزيره,اخبار الاقتصاد,اخبار العالم,اخبار حوادث ,اخبار الحوادث,اخبار http://www.ahba2b.com/newsعامه,اخباررياضيه,اخبار كرة القدم, اخبار البورصه ,اخبار مصر,اخبار الحروب,اخبارالتليفزيون,الاخبار ,اخباريات,مخابرات,اخبار الاقتصاد فى مصر,خبر,اخبار سى ان ان

  37. thank you

  38. je trouve ce forum extraordinaire et qui supporte l’union maghrebine comme mon forum “le forum de l’union médicale” FUMED.
    j’ai voulu donc savoir l’avis du webmaster de ce blog sur un partenariat entre nos 2 sites.
    ça va reforcer leurs présences sur le web,

    vous pouvez me contacter par Email. arous.aymen@gmail.com

    merci et bonne continuation

  39. I love it i am with you 100%
    keep us posted :)

    Morocan from USA

  40. Merçi pour ce site il est utile pour moi.

    http://www.5misa.com/actualite-gratuit/sports/mondial-2010-afrique-du-sud

  41. :)

  42. comely click through the up coming website page

Discussion Area - Leave a Comment